Saúdo do alcalde

 

Saúda.

IMG_2890

Estimados conveciños e conveciñas.

 

Benvidos á páxina web do Concello de Xinzo de Limia, cabeza da comarca da Limia e centro neurálxico da vella Antioquía. Quero trasladarvos o meu agarimoso saúdo dende esta páxina así como animarvos a participar desta ferramenta de maneira activa facéndonos chegar as vosa suxerencias e queixas. Sempre co horizonte posto na constante mellora da nosa vila e as súas parroquias e lugares.

 

Mais non só esta páxina se constitúe nun espazo aberto e participativo para todas e todos vós. As portas da casa consistorial fican abertas co desexo de vos ofrecer, día a día, un mellor servizo e transparencia.

 

Somos un concello cun enorme potencial, non só no sector agrogandeiro, senon tamén no industrial e de servizos. Pero sómolo porque temos destacado por ser un pobo aberto, acolledor e traballador. E queremos seguilo sendo. Ese é o meu compromiso como alcalde da capital da Limia, así como o de todo o goberno. Un Xinzo que pense e coide o seu contorno como o único modo de acadar maior e mellor calidade de vida para quen nela habitamos e para quen nos visitan.

 

Manuel Cabas

Alcalde de Xinzo de Limia