Concerto de fin de curso do Conservatorio Profesional de Xinzo de Limia

Este concerto terá lugar o Venres 15 de Xuño do 2018 ás 8 e será no salón de actos “Ángel Cocho”

Cartel do concerto de Fin de curso
Cartel do concerto de Fin de curso
Concerto de fin de curso do Conservatorio Profesional de Xinzo de Limia

I.-  RAZÓN DE SER DO CONCERTO

 

                O final de curso está preto e no conservatorio de Xinzo de Limia, coma tódolos anos, festexámolo con música como non pode ser de outro xeito. Un concerto onde os nosos alumnos e alumnas mostrarán a súa adicación e talento. Os rapaces xa levan varias semanas preparando as súas actuacións con toda a súa ilusión, estudando e ensaiando horas extra, pero esta semana é a recta final, días intensos de remate de curso onde terán os ensaios xerais para que o vindeiro venres todo saia perfecto.

Os máis cativos de Música e Movemento (6 anos) e Iniciación musical (7 anos) darán a benvida iniciando o concerto acompañados por unha representación de todos os instrumentos musicais que se ensinan no centro.

No concerto que se vai ofrecer interpretaranse obras de diversos estilos musicais que abarcan dende o clásico ata o moderno, deixando representados tódolas especialidades instrumentais en diversas agrupacións como son, solistas, música de cámara, orquestra e coro. O alumnado interpretará obras variadas  de  Haendel, Bach, Beethoven, Bizet, Corelli, Soutullo, Jenkins, Gardel,…

Para rematar o concerto a orquestra de música do conservatorio será a encargada de por o broche final con unha selección de obras de diversos autores como Wagner ou Shostakovich.

Co fin de garantir a preparación do alumnado cara a súa interpretación en público, motivar e incentivar as diversas formacións musicais con vistas a preparar un repertorio sólido e variado e dar a coñecer as aptitudes musicais do alumnado; co esforzo e entusiasmo que depositaron os alumnos do Conservatorio Profesional de Música de Xinzo de Limia baixo preparouse o Concerto de fin de curso baixo a dirección dos profesores: Elena Domínguez Rodríguez, Mª José Rodríguez Carrera, Esmeralda Marra López, Jesús Dopazo Amorín, Eliseo Penín Rodríguez, Roberto Seara Abad, Nieves Llopis Tormo, Cristina Vázquez Canal e Alejandro Martínez Ares.

Este concerto terá lugar o Venres 15 de Xuño do 2018 ás 8 do serán no salón de actos “Ángel Cocho” da Casa de Cultura e Xuventude de Xinzo de Limia.

Así mesmo, aproveitando a ocasión, farase entrega da orla Final de Grao, ós alumnos que no presente curso remataron satisfactoriamente o Grao Profesional.

 

Sen outro particular, saúdos cordiais.

Atentamente,

Conservatorio Profesional de Música de Xinzo de Limia